قصيدة مؤثرة جداً ( حسبي الله ونعم الوكيل

هذه قصيدة كتبتها امرأة طاعنة في السن بعدما أودعها ابنها في دار المسنين (حسبي الله ونعم الوكيل ) تقول فيها:

يامسندي قلبي على الدوم يطـــريــك . . . . . . . ما غبت عن عيني وطيفك سمــــايه
هذي ثلاث سنـين والعـين تـبكـــــيك . . . . . . . ماشفت زولك زايل ياضنــــــــــــايه
تذكر حياتي يوم أشيلك وأداريــــــك . . . . . . . .والاعبك دايم وتمشـــــــــي ورايـــه
ترقد على صوتي وحضني يدفــــيك . . . . . . . .ماغيرك احدن ساكن في حشــــــايه
وليا مرضت اسهربقربك واداريــك . . . . . . . .ماذقت طعم النوم صبح ومســــــايه
ياما عطيتك من حناني وابعطيـــــك . . . . . . . . أكبر وتكبر بالأمليامنــــــــــــــــايه
لكن خساره بعتني اليوم وشفيــــــك. . . . . . . .واخلصت للزوجه وانا لي شقـــــايه
انا ادري انــها قاسـيه ماتخــلـيـــك . . . . . . . .قالت عجوزك ما أبيـــها معــــــــايه
وخليتني وسط المصحة وانا ارجيك . . . . . . . هذا جزا المعروف وهذا جـــــــزايه
ياليــتــني خــدامة بيــن اياديـــــــك. . . . . . . . . منشان اشوفك كل يوم برضـــــايه
مشكور ياوليدي وتشكر مســــاعيك. . . . . . . . .وادعيـلك الله دايـــمـــاً بالهـــدايــه
حمدان ياحمدان امك توصـــــــــيك . . . . . . . . .اخاف ما تلحق تشــــوف الوصـايه
اوصيت دكتور المصحة بيعطــــيك . . . . . . . . .رســـــالتي وحروفها من بكــــــايه
وان مت لاتبخل عليه بدعــــــاويك . . . . . . . . .واطـلبـــلي الغفــــران وهذا رجايه
وانثر تراب القبر بدموع عينـــــيك. . . . . . . . ..ماعـــــاد ينفـــعك الــندم والنعـــايه